Астана қаласында 2–3 қараша күндері «Медициналық технологиялар және ақпараттық жүйелер орталығы» АҚ ұйымдастыруымен Президент іс басқармасына қарасты ұйымдардың қызметкерлеріне арналған «Квазимемлекеттік сектордың ведомстволық қарасты ұйымдары қызметінің құқықтық реттелуі: қызмет түрлері және оларды түзету, монополияға қарсы органмен келісу және қызметтерді коммерцияландыру» тақырыбында семинар өтті.
Семинардың лекторлары – Қазақстан Республикасы Бәсекелестікті қорғау және дамыту агенттігінің өкілдері: Индустрия, мемлекеттік қолдау және сатып алу департаментінің директоры Алибек Тюлюбеков және Экономикалық шоғырлану және мемлекеттік кәсіпорындарды бақылау департаментінің директорының орынбасары Амир Жакупов.
Семинар барысында қатысушылар жарғылық қызмет түрлерін Тізбеге сәйкестендіру, Қазақстан Республикасы Бәсекелестікті қорғау және дамыту агенттігіне өтінішхат беру және қызмет түрлерінің мониторингін жүргізу, мемлекеттік сатып алудағы бәсекелестікті қорғау, картельдік келісімдердің белгілері және бір көзден сатып алу кезінде Қазақстан Республикасы Бәсекелестікті қорғау және дамыту агенттігінің қорытындысын алу тәртібі талқыланды.
Қатысушылар семинардың мазмұнды өтіп, күнделікті жұмыста туындайтын өзекті мәселелерді қамтығанын атап өтті.
