«МТАЖО» АҚ Медициналық қызметкерлердің құзыреттерін дамыту орталығы ҚР Президенті Іс басқармасы Медициналық орталығы ауруханасының қызметкерлеріне арналған «Медицина ұйымдарында қызметкерлердің эмоционалдық күйзелуінің алдын алудағы медициналық басшының рөлі: жанжалдарды басқару, қызметкерлерді қолдау және сенім атмосферасын қалыптастыру» тақырыбында семинар өткізді.
Екі күнге созылған семинар интерактивті форматта өтті: қатысушылар практикалық тапсырмаларды орындап, топтық жұмысқа қатысып, кәсіби ортада кездесетін жағдайларды талдады. Сонымен қатар эмоционалдық интеллектті дамытуға, күйзелісті басқаруға және эмоцияларды тиімді реттеуге бағытталған нақты әдіс-тәсілдер тәжірибе жүзінде пысықталды.
Семинарды эмоционалдық интеллект бойынша сертификатталған тренер, MBA, Erickson кәсіби коучы, бизнес-тренер, эмоционалдық интеллектті дамыту саласының сарапшысы, «emotionALL» компаниясының негізін қалаушы Эльмира Абайдильдинова жүргізді.
«Семинар аясында қатысушыларға күнделікті жұмыста күйзелісті басқару және эмоционалдық қажудың алдын алу үшін қолдануға болатын практикалық құралдар мен әдістер ұсынылды. Күйзелістің негізгі себептері, оның алдын алу жолдары және эмоционалдық жағдайды тиімді басқару тәсілдері қарастырылды», — деп атап өтті Эльмира Абайдильдинова.
